ekainak 6, ostirala
Argazki rallya
Jaiaren argazki rallyan parte hartu zutenen artean irabazlea Dunia Zolati izan zen, Biurdana institutukoa. Zorionak Dunia!maiatzak 22, osteguna
Milesker guztioi!
Igandean zuekin batera jaia ospatu genuen, eta guztioi eskerrak eman nahi dizkizuegu parte hartzeagatik. Argazkiak jada sarean daude, eta erakusketako marrazkiak ere hemen ikus ditzakezue.maiatzak 19, astelehena
Zozketako zenbaki saridunak:
A-0207B-1726
C-1993
D-0971
E-0570
maiatzak 19, astelehena
Marrazki erakusketa
Marrazki/margoketa erakusketako saridunen zerrenda ikusteko egin klik azpiko loturan, eta marrazkiak lehenbailehen jarrijo ditugu.>> saridunen zerrenda ikusi
apirilak 30, asteazkena
Argazki berriak
Apirilaren 20an Aian egindako jaiaren argazkiak ikus ditzakezue "argazkiak" atalean, eta hemen dituzue Bilbon egindako jaiaren argazki batzuk. Iruñeko jaiarako gutxi falta da!!
) |
 |
) |
apirilak 16, asteazkena
Marrazki erakusketa
Egizu zure marrazkia eta bidaliguzu! Maiatzaren 18an, jaian, jasotako marrazkiekin erakusketa bat egingo dugu. Egunean bertan ere irabazlei sariak banatuko dizkiegu. Animatu zaitez eta izan artista!(Maiatzaren 9a marrazkiak emateko azken eguna da)
>> ikusi aurkezteko baldintzak
>> jeitsi marrazki oinarri horizontala
>> jeitsi marrazki oinarri bertikala
apirilak 16, asteazkena
Apirilaren 25ean Bilbon Jaia!
Apirilaren 25ean, Bilboko plaza barrian, 17:30etatik aurrera Bizkaiako txoko ezberdinetatik etorritako kantariak, dantzariak, trikitilariak, bertsolariak...izango ditugu. Eta gero, berbena!)
apirilak 4, ostirala
GIPUZKOATIK ere, BULTZA! Euskal Hezkuntza!
Euskal Eskola Publiko Berriaren alde!!!
Datorren Apirilaren 20an, Igandea, egun pasa polita antolatu du Sortzen Ikasbatuaz elkarteak Aian. Bertan, egunerokotasunetik at, aldarrikapena eta jaia uztartuz ekintza desberdinak antolatu dituzte egun osoan zehar, guraso, irakasle eta haurrentzat.
Gipuzkoako Iraunkorreko kide diren Joxe Mari Agirretxe eta Belen Zabalarekin egon gara solasean, eta hona hemen beraien eritzi eta ideiak……
Zein helbururekin antolatu duzue jaialdi hau?
Gipuzkoan Euskal Eskola Publiko berriaren alde lanean eta elkarlanean daramatzagu urteak. Hemen ere, oraindik asko dago egiteke, euskararen alde, euskal Curriculuma martxan jarri eta garapena bermatuz, hezkuntzaren bidez balore aurrerakoi eta berrituak trasmititzeko asmoarekin.
Egun, hezkuntza kudeatzen duten instituzioek beraien interesak defendatzen dituzte lehentasunez, hezkuntza eredu propio baten gainetik. Eta horregatik ikusten dugu beharrezkoa ikastetxe publiko desberdinetan antolatu eta elkarlanean aritzea, horretan ari gara.
Apirilaren 20, horretarako zita nahi dugu izatea, harreman horietan sakonduz, aldarrikapen eta jai giroan eguna pasaz, elkarlanean indarrak sakonduz.
Aldarrikapena eta Jai giroa. Zein da egunerako egitaraua?
Goizean mendi buelta emango dugu Aiako parajeetan zehar. Eguerdian, Aiako frontoian ospatuko duun ekitaldian ikastetxe desberdinetako haurrek parte hartuko dute, dantza, musika eta antzerkia eginaz, Porrotx eta Txapas izango direlarik bertan ere. Jarraian, helduentzako bazkaria Kanua jatetxan, eta arratsaldean zehar Erromeria, Amalur Trikitilari taldearen parte hartzearekin.
Bazkarian izena emateko aukera ikastetxeetan edukiko duzue, eta informazio zehatza ere bertan zabalduko dugu.
Zergatik animatuko zenukete jendea gerturatu eta bertan parte hartzera?
Euskaraz, eta Euskal Hezkuntza propioaren aldarrikapena eginaz, egun oso polita pasatzeko aukera paregabea izango delako!
) |
 |
) |
) |
otsailak 25, astelehena
Kantaren aurkezpena
Aurreko ostegunean kantaren aurkezpena egin zen Donibaneko Onki Xin tabernan. Bertan egon ziren O-X BAND taldea, Enrique Villareal 'El Drogas' eta Biurdana institutuko Irati, Itsaso eta Haizea ikasleak zuzen zuzenean abesten.
) |
 |
) |
otsailak 15, ostirala
data aldaketa: Kantaren aurkezpena otsailaren 21ean!
Otsailaren 21an arratsaldeko 6:00etan Donibaneko Onki Xin tabernan aurtengo jaiaren kanta aurkeztuko da zuzen zunenean. Aurkezpenean kanta egin duten O-X BAND taldea, Enrique Villarreal 'El Drogas' eta Biurdana Institutuko Irati,Itsaso eta Haizea ikasleak izango dira. Aurkezpena ondoren lunch bat eskainiko da.)
otsailak 12 , asteartea
Martxoaren 7an Bertso-Trama afaria
Euskaltzaleon munduan aurtengo jaia aurkezteko asmoz, Martxoaren 7an Bertso-Trama afaria ospatuko da Errotxapeako Errotaberri elkartean (Martzelo zelaieta kalearen atzealdean).Afariaren prezioa 16€koa da, eta afaldu ondoren trikitixen musikarekin dantzatuko dugu!
Sarrerak salgai:
Sortzen-ikasbatuaz egoitzan (Jarauta kalean)
Ipar Gorri tabernan (Martzelo Zelaietan, 43)
AEKren euskaltegietan.
Telefono: 626362044
Afarirako plaza kopurua mugatuta dago (100 pertsona).
)
urtarrilak 29, asteartea
Pirritx eta Porrotx gurekin!
Otsailaren 24an, igandea, Pirritx eta Porrotxen "Eskerrik asko" ikuskizuna izango dugu Aguraingo Polikiroldegian, eguerdiko 12:00tan.)
urtarrilak 29, asteartea
Urtarrilaren 19an Bilboko Aldarapeko tabernan Euskal Herria osoari aurtengo festa aurkeztu genion
Bilbon prentsa aurrean Sortzen-ikasbatuaz ta Iruñako Biurdana Institutuko Koordinatzailerekin batera Euskal Herria osotik etorritako gurasoak, irakasleak, ikasleak ta euskaltzaleak 'bultza Euskal Hezkuntza' lelopean bildu ziren.
) |
 |
) |
) |
urtarrilak 25, ostirala
Azaroaren 21eko aurkezpenean...
Azaroaren 21ean Biurdana Institutuan egindako aurkezpenean, aurtengo festaren berri emateaz gain, haurrek ere disfrutatu ahal izan zuten: Zirika zirkusen eskutik eta Biurdanako ikasleek lagunduta haurrentzako tailerrak egon ziren.
) |
) |
) |
) |
) |
) |
urtarrilak 15, asteartea
Bertso afaria
Martxoaren 7an bertso-afaria izanen da Errotxapeako Errotaberri Elkartean. 100 lagunentzako toki mugatua izango da, beraz, har ezazu zure txartela lehen bait-lehen eta gau atsegin batez goza ezazu!Txartelak ohiko tokietan salgai jarriko dira.
)
urtarrilak 15, asteartea
Governors, Iru Amets eta Suntsiketa taldeen emanaldia
Abenduaren 22an Artsaia diskotekan Governors, Iru Amets eta Suntsiketa taldeen eskutik, beren musikaren eskutik alegia, gazteentzako aurtengo festaren aurkezpena izan zen. Publikoaren parte-hartzea eskasa izan zen.)
urtarrilak 15, asteartea
Azaroaren 21ean, Iruñeko Biurdana Institutuan Sortzen-ikasbatuaz-en aurtengo festaren aurkezpena izan zen
Ekitaldian, batetik, Sortzen-ikasbatuaz-en aldetik Kalen-ek bere taldearen helburuak azaldu zituen eta bestetik, Biurdana Institutuko Apymaren kideak diren Carlos eta Sara festa eta helburuak aurkezteaz arduratuz ziren. Izan ere, Biurdana Institutuak hartu du bere gain Festaren XIII. edizio honen antolaketa.Halaber, ekitaldian Iruñean eta Iruñerrian Sortzen-ikasbatuaz-ekin lankidetzan ari diren zenbait ikastetxeren ordezkariak azaldu ziren; baita D ereduko guraso eta ikasle kopuru dezente ere.
Aurreko edizioaren argazkidun ikusentzutezkoa proiektatu zuten eta aurtengo materiala eta arropa aurkeztu zituzten.
)